’t Verlanglieske en ‘t kemissielieske

Dezember is de maond vaan ’t verlanglieske en ‘t kemissielieske. Of me noe Sinterklaos of Keersemes viert, dat maak neet oet. Ederein heet ‘ne wins veur e kedooke dat in de sjoon of oonder de boum gevonde moot weure. Allein weurt dee wins bij iemes aanders op d’n teleur gelag. Degene dee dat verdomde leutsje heet getrokke. Allewijl kint dat zelfs digitaol.