In ’t Paradies

Es keend kraoge veer vreuger op sjaol gelierd tot Adam en Eva door de zondenval, ’t ete vaan de verboojen appel, oet ’t aards paradies waore gezat. Bij ’t paradies had’ste es keend ’n apaarte veurstèlling. Alle soorte plante en blomme greujde dao, de tiegers en liewe lepe vrij roond en doge geine mins koed. Alles waors peis en vrei. Dat kaom netuurlek ouch door ’t printebook dat veer op sjaol hadde en boe in sjoen pleetsjes ’t paradies woort veurgesteld. Es keend dink me daan tot dat ech zoe is.