Inhoudsopgave
De redactie van De Nieuwe Ster kreeg vandaag een ingezonden brief over de berichten rondom de MTB. Afzender: de 94-jarige ervaringsdeskundige Joh. Kerckhoffs. Meer dan veertig jaar ambtenaar geweest bij Sociale Zaken van de gemeente.
Gooien daag,
Iech lees edeeren daag Uw gezètsje mèt belangstelling, meh wat iech noe oonder ouge kreig, dat loip de spuigaate oet. Meh zow zoe dinke, die zien knatsch gewoore um dao te oppere um de MTB aon de kant te doen.
Jeh zoe gèt kreig me es der lui aon ut bewint zien, die vaan toe-noch-blooze weite en mer drop los goon mèt hun neuj ideeë. Jaomer tot zie neet veur de consequenties hoove op te dreije es ut weer uns mis geit.
In dees kwestie steit al bei veurbaat vas dat dit ut geval zal zien, mochte zie hunne zin kriege. Meh oondertösser is daan ut leid al e feit.
Ut is hiel goot tot der zoeväöl tegestant geüut weurt, nog beter zow zien es de lui mèt geach verstand oet de Raot weete wat hun te doen steit. Ut veurstèl wie dat noe nao veurte kump: radicaal de nek umdreie.
Es geer uns wis mèt wieväöl meuje destieds de MTB tot leeve gekoume is, zowt geer dit aofwieze gans oonderschrieve.
Es ambteneer bei Sociale Zaake vaan dees gemeinte (mie es 40 jaor) waor iech destieds gans kort bei ut op de rails zètte van dees meujzame geboorte. Höb kinne ervaare wie dee greuj gans langszaam gekoume is en hielväöl lui tot e weer minswierdig bestaon gevoert heet.
Wat iech noe lees vaan unne pa, dee zie keent dao ouch weer 'op de rails 'gezat is, kreig iech nog de sjevraoj.
Leef luy: maak zoe väöl meugelik tam-tam um dit veurstel zoe gaw meugelik van de lei te kriege.`n nog ein dink: es weer gestump moot weure, rappeleer uuch daan de naom vaan den indeener mèt ougkleppe op.
Laot iech dat gezag zien vaan unnen 94-jaorige ervaringsdeskundige (wie me dat zoe alleweil zeet).
Daanke,
Joh. Kerckhoffs
Maurice Ubags
Maurice Ubags
Van onze partner
